ງາມຫຼາຍເມືອງເຟືອງ ແຂວງວຽງຈັນ ເຊີນຊວນໃຫ້ໄປສໍາຜັດ

ໃນເມື່ອກ່ອນ ເມື່ອຕ້ອງການໄປທ່ອງທ່ຽວ ບ່ອນທີ່ມີທໍາມະຊາດສວຍງາມ ທີ່ບໍ່ໄກຫຼາຍຈາກນະຄອນຫຼວງວຽງຈັນ ຫຼາຍຄົນຈະຄິດເຖິງ ວັງວຽງ

ແຕ່ຕໍ່ຈາກນີ້ໄປ ທ່ານສາມາດ ມີທາງເລືອກໃໝ່ ທີ່ມີຄວາມງົດງາມ ຄືວັງວຽງ ແຕ່ມີຄວາມງຽບສະຫງົບຫຼາຍກ່ວາ ຂໍແນະນໍາ ສະຖານທີ່ນີ້ເລີຍ ເມືອງເຟືອງ ແຂວງວຽງຈັນ

ແມ່ນຫຍັງແມ່ນຈຸດເດັ່ນຂອງເມືອງເຟືອງ ? ເມືອງເຟືອງ ມີຈຸດເດັ່ນຫຼາຍຢ່າງຄື ມີຊຸມຊົນນ້ອຍ ອ້ອມຮອບໄປດ້ວຍພູເຂົາໃຫຍ່ ທີ່ມີຄວາມສວຍງາມ ມີແມ່ນໍ້າລີກ ໄຫຼຜ່ານ, ເປັນໜຶ່ງໃນແຫຼ່ງຜະລິດເຂົ້າ ທີ່ໃຫຍ່ທີ່ສຸດໃນປະເທດ

ເປັນເຂດທີ່ຍັງມີທໍາມະຊາດອັນບໍລິສຸດ ບໍ່ຖືກທໍາລາຍ, ເປັນສູນລວມທາງດ້ານພຸດທະສາດສະໜາພຸດ ແລະ ຄວາມມີນໍ້າໃຈໄມຕີ ຂອງປະຊາຊົນເມືອງເຟືອງ

ການເດີນທາງມາເມືອງເຟືອງ ສາມາດມາໄດ້ ໂດຍໃຊ້ລົດຕູ້ ສາທາລະນະ ຈາກຄິວລົດເມສາຍເໜືອ ຈາກຂົວຫີນເຫີບ ເຂົ້າໄປເຖິງຕົວເມືອງເຟືອງ ພຽງ 30 ກມ ເທົ່ານັ້ນ. ເສັ້ນທາງໄປມາ ສະດວກສະບາຍ ແລະ ທ່ານສາມາດ ຂີ່ລົດສ່ວນຕົວ ໄປຢ້ຽມຢາມໄດ້ແບບ ສະບາຍສະບາຍ

ມີໂອກາດ ເຊີນມາທ່ອງທ່ຽວເມືອງເຟືອງ