ປະກັນໄພຊັ້ນ 1 ຂາຍແບ້ທີ່ຕຳຕາຍ ເອົາເງິນມາແປງລົດ

ປະກັນໄພຊັ້ນ1 ໃຫ້ການຄຸ້ມຄອງຄົບຊຸດ ໂດຍສະເພາະແມ່ນອຸປະຕິເຫດທີ່ເກີດຈາກການຕຳຮອບດ້ານ ລົດເສຍ ໄຟໄໝ້ລົດ ຖືກນ້ຳຖ້ວມ ຜົນເສຍຫາຍຈາກການກໍ່ການຮ້າຍ ຄຸ້ມຄອງອຸປະຕິເຫດສ່ວນບຸກຄົນຈາກຄົນຂັບ ແລະຜູ້ໂດຍສານ, ປະກັນຕົວຜູ້ຂັບຂີ່ໃນຄະດີອາຍາ ຄຸ້ມກັນຊັບສິນເສຍຫາຍຈາກອຸບັດຕິເຫດ ແລະຄ່າຮັກສາຈາກການປິ່ນປົວກໍລະນີຕ້ອງນອນໂຮງໝໍ

ແຕ່ມາເບິ່ງລາຍນີ້ ຜູ້ເຮັດປະກັນໄພເຖິງກັບອາລົມບໍຈອຍ ບອກວ່າເກີດມາຫາກໍ່ເຄີຍໄດ້ຍິນປະກັນໄພຊັ້ນ 1 ຕຳແບ້ລະປະກັນໄພເອົາແບ້ໄປຂາຍເອົາເງິນມາແປງລົດໃຫ້ເຮົາວ່າຊັ້ນ ຄັນບໍ່ເອົາແບ້ໃຫ້ລະບໍ່ແປງລົດໃຫ້ເຮົາຈັງຊິກະມີຫວາ

ສາວຜູ້ປະສົບເຫດຖາມວ່າ ຄັນເຈົ້າຂອງລົດຂີ່ຕຳກ້ອນຫີນກະຊິເອົາກ້ອນຫີນໄປຂາຍໄດ້ຕິ ຍອມເອົາແບ້ໃຫ້ບອກໃຫ້ເສຍໃຫ້ນາຍບ້ານແສນ 1 ກະບໍ່ຍ່ອມເສຍສຸດທ້າຍຜູ້ເຈົ້າຂອງປະກັນກະໄດ້ເສຍເອງ ສ່ວນແບ້ປະກັນໄພເອົາໄປ

ເຫດດັ່ງກ່າວເກີດຂຶ້ນເວລາ 12 ໂມງຂອງມື້ນີ້ເອງ(28 ພະຈິກ 2019)ທີ່ບ້ານໄຊສົມບູນ ເມືອງໄຊທານີ ນະຄອນຫຼວງວຽງຈັນ ສາວຜູ້ເສຍຫາຍຕຳແບ້ຕາຍ ຫາເຈົ້າຂອງບໍ່ໄດ້ ໂທຫາປະກັນໄພມາ ພໍດີມາເອົາແບ້ໄປອົບ

ທິ້ມາ Maythavy Keoduangdeth