ທ່ານພ້ອມແລ້ວບໍ່ ກັບແຫຼ່ງທ່ອງທ່ຽວ ຟາມພູຕາເວັນ ທີ່ຈະຈັດເປັນເທື່ອທີ່ 4 ຂອງປະຈຳປີ

ແຫຼ່ງທ່ອງທ່ຽວ ຟາມພູຕາເວັນ ກຽມເປີດເທດສະການທ່ອງທ່ຽວ ປະຈຳປີເທື່ອທີາ 4 ໂດຍຈະມີຫຼາຍກິດຈະກຳເຊັ່ນ : ການສະແດງສິນລະປະ ງານຄອນເສີດ ທ່ຽວຊົມສິນຄ້າຂອງປະຊາຊົນ ຊົມສວນກະສິກຳ ແລະ ອື່ນໆ ຕອນນີ້ກະກຽມແລ້ວປະມານ 80% ແລະ ຈະເປີດງານຢ່າງເປັນທາງການໃນວັນທີ່ 13/12/2019 ນີ້ ນາງ ດາລຸນນີ ດວງະເສີດ ເຈົ້າຂອງຟາມພູຕາເວັນໃຫ້ສຳພາດວ່າ :

ຟາມພູຕາເວັນ ເປັນແຫ່ງ່ອງທ່ຽວກະສິກຳ ເປັນໂຄງການທີ່ສ້າງຂຶ້ນບົນພຶ້ນຖານຄວາມຮຽກຮ້ອງຕ້ອງການຂອງຊາວກະສິກອນ ແລະ ຜູ້ບໍລິໂພກ ທີ່ຕ້ອງການພືດຜັກຊະນິດຕ່າງໆ ທີ່ມີຄຸນນະພາບສະອາດ ປອດສານພິດ ເຊີ່ງມີ : ຟາມສັດລ້ຽງ ພືດໄມ້ປະດັບ ພືດຜັກກິນໃບ ສວນໝາກນາວ ດອກຕາເວັນ ໝາກເຫຼ່ນ ແລະອື່ນທ ໂດຍເນັ້ນໃສ່ການກະເສດ ສົ່ງເສີມການ ຜະລິດ ສົງເສີມການຄົ້ນຄວ້າວັດຖຸດິບ

ມາປຸງແຕ່ງຈົນກາຍມາເປັນຜະລິດຕະພັນສຳເລັດຮູບ ນາງ ດາລຸນນີ ຍັງກ່າວອີກວ່າ : ສຳຫຼຳງານເທດສະການທ່ອງທ່ຽວຟາມພູຕາເວັນໃນປີ 2020 ແມ່ນກະກຽມມາຫຼາຍເດືອນ ເນື່ອງຈາກການຈັດປີຜ່ານມາສຳເລັດກໍ່ໄດ້ເກີດມີພາຍຸເຮັດໃຫ້ຟາມມີການເສຍຫາຍ ຈຶ່ງໄດ້ມີການຈັດສວນຄືນໃໝ່ ມີລັກສະນະແຕກຕ່າງຈາກປີຜ່ານມາ

ປີນີ້ຈະເນັ້ນໃນເລື່ອງການເຮັດກະເສດເປັນຫຼັກ ໂດຍສະເພາະການປູກຝັງ ການປູກເຂົ້າ ດອກໄມ້ຫຼາກຫຼາຍສະນິດ ພືອໄລຍະສັ້ນ ແລະ ໄລຍະຍາວ ນອກນັ້ນ ຍັງມີສິນຄ້າຫັດຖະກຳ ກະເສດຊຸມຊົນຊາວບ້ານ ອາຫານຕ່າງໆຂອງ ປຊຊ ເຂົ້າຮ່ວບໍລິການນັກທ່ອງທ່ຽວ ການະກຽມມາໄດ້ 80% ແລ້ວຄາດວ່າ ປີນີ້ນັກທ່ອງທ່ຽວຈະເພີ່ມຂຶ້ນຈັກປີຜ່ານມາ ສ່ວນລາຄາມ່ນ 15,000 ກີບຕໍ່ຄົນ

ນອກນັ້ນຍັງມີກິດຈະກຳຫຼັງເປີດງານ ເຂດບ້ານ ທ່ານາໄຊ ເມືອງທ່າພະບາດ ບໍລິຄຳໄຊ ສົ່ງທ້າຍປີຕ້ອນຮັບປີໃໝ່ ງານບຸນກອງເຂົ້າ ແລະ ງານປະກວດຫຸ່ນເຟືອງໃນເດືອນມັງກອນ ງານປະກວດໂຄມໄຟເດືອນມີນາ ງານບຸນັ້ງໄຟເດືອນພຶດສະພາ ແລະ ງານປະກວດແຕ້ມຮູບໃນເດືອນມີຖຸນາ