ນັກທ່ອງທ່ຽວເກົາຫຼີ ຕົກສະລິ່ງທີ່ວັງວຽງ ດັບຄາທີ່

ມີລາຍງານຂ່າວວ່າໃນວັນທີ 19 ພະຈິກຜ່ານມາ ໄດ້ເກີດອຸບັດຕິເຫດ ນັກທ່ອງທ່ຽວເກົາຫຼີໄຕ້  ຂີ່ສະລິງ ແລ້ວສະລິງເກີດພັງລົງມາ ໃນເຮັດໃຫ້ນັກທ່ອງທ່ຽວເກົາຫຼີ 1 ຄົນ ອາຍຸ 48 ປີ ຕົກຈາກລະດັບຄວາມສູງ ປະມານ 7 ແມັດ ຈາກຕົ້ນໄມ້ ຕົກລົງມາດັບຄາທີ່

ເຫດການນີ້ເກີດຂຶ້ນຢູ່ເມືອງທ່ອງທ່ຽວ ອັນດັບຕົ້ນໆ ຂອງປະເທດ ວັງວຽງ ແຂວງວຽງຈັນ ຍັງບໍ່ໝົດເທົ່ານັ້ນ ຍັງມີອີກ 2 ຄົນ ໄດ້ຮັບບາດເຈັບ ປະຈຸບັນ ເຈົ້າໜ້າທີ່ ກໍາລັງສືບສວນ ສອບສວນ ອຸບັດຕິເຫດດັ່ງກ່າວ

ຢ່າງໃດກໍ່ຕາມອຸປະຕິເຫດເປັນສິ່ງທີ່ທຸກຄົນບໍ່ຢາກໃຫ້ເກີດ ເປັນເລື່ອງສຸດວິໄສ ກໍ່ຂໍໃຫ້ເລື່ອງນີ້ເປັນການເຕືອນສະຕິຜູ້ປະກອບການໃຫ້ໝັ່ນກວດເຊັກເຄື່ອງໃຊ້ ໃຫ້ຮັບປະກັນຕະຫຼອດເວລາ ເຊື່ອວ່າເລື່ອງຮ້າຍໆຂ່າວໃນແງ່ລົບຢູ່ວັງວຽງຈະໄດ້ຮັບການແກ້ໄຂໂດຍໄວ

ຕາມຂໍ້ມູນໃຫ້ຮູ້ວ່າ ໃນປີ 2018 ມີນັກທ່ອງທ່ຽວຕ່າງປະເທດ ມາທ່ຽວເມືອງວັງວຽງ ຢູ່ທີ 300,000 ຄົນ, ໂດຍສ່ວນໃຫຍ່ ແມ່ນນັກທ່ອງທ່ຽວເກົາຫຼີໄຕ້, ຂໍໃຫ້ກັບມາອີກເດີ້

Cr. ວຽງຈັນທາມ