ເລື່ອງຈິງ ຈາກປາກຂອງຊາຍຄົນໜຶ່ງ ທີ່ເຄີຍປະສົບເຫດ ທີ່ລອດຈາກລົງຫຼິ້ນນ້ຳໜ້າເຂື່ອນ

ຫລັງຈາກມາດຕະການລັອກດາວຫາກໍ່ເລີ່ມຜ່ອນຜັນເຮົາກໍ່ພົບເລື່ອງເສົ້າແລ້ວ! ຂໍໃຫ້ທຸກຄົນມີສະຕິຫຼາຍຂຶ້ນໃນທຸກໆເລື່ອງ ສ່ວນຜູ້ປະສົບເຫດຢູ່ໜ້າເຂື່ອນກໍ່ເສຍໃຈນຳເດີ້ ທີມຂ່າວພວກເຮົາພາວະນາຂໍໃຫ້ພົບເພິ່ນໄວໆ!

ເລື່ອງຂອງເລື່ອງມີຢູ່ວ່າ ຕອນແລງວັນທີ 16/05/2020 ເກີດເຫດຊາຍຈົມນ້ຳທີ່ເຂື່ອນນ້ຳງື່ມ ປັດຈຸບັນຍັງຊອກຫາບໍ່ເຫັນເຊິ່ງ ຕາມການບອກເລົ່າຂອງຄົນທີ່ຢູ່ໃນເຫດການນຳຜູ້ປະສົບເຫດບອກວ່າ ລາວໄປຫລິ້ນຫນ້າເຂື່ອນ ບາດແລ້ວ ເວລາກັບເຮືອຍັງບໍ່ຮອດຝັ່ງປະມານ 300 ແມັດ ແລ້ວລາວຄິດຢາກຈະອາບນ້ຳ ແລ້ວແກ້ເສື້ອເອົາໃຫ້ແຟນຖືໄວ້

ແລ້ວໂຕນລົງນ້ຳ ຈັບເຊືອກ ແຕ່ເຮືອແລ່ນໄວ້ພ້ອມມີຄື້ນນ້ຳແຮງ ມືລາວຫລຸດອອກຈາກເຊືອກ ແລ້ວເຮືອໂຄ້ງກັບມາຈະໄປເອົາລາວ ແລ້ວຊອກຫາບໍ່ເຫັນຈົມນ້ຳກ່ອນ ຈົນມາຮອດຕອນເຊົ້າວັນທີ 17/5/2029 ກໍຍັງບໍ່ທັນພົບເຫັນເທື່ອ…

#ເລີົ່ມເຂົ້າເລື່ອງເລົ່າຂອງຊາຍຄົນຫນຶ່ງທີ່ລອດມາໄດ້ຢ່າງປະຕິຫານ

ມື້ນີ້ມີຊາຍຄົນໜຶ່ງທີ່ເຄີຍປະສົບກັບເຫດການທີ່ຄ້າຍຄືກັນບອກວ່າ ຂ້ອຍກະເກືອບ ໃຜທີ່ລອຍນ້ຳເກັ່ງໆກໍຕ້ອງລະວັງກັນແນ່ເດີ້ ຂ້ອຍລອດມາເລົ່າໃຫ້ຟັງ ມື້ນັ້ນ ຂ້ອຍໄດ້ເຊົ່າເຮືອໃຫຍ່ລຳໜື່ງມີຕາຫຼູດ ສູງ 3ຊັ້ນ ຂ້ອຍລອຍນ້ຳ ເປັນ ຂ້ອຍກະໃສ່ເສື້ອຊູຊີບ ລອຍ ແຕ່ໃນຄວາມທີ່ຂ້ອຍ ຮູ້ວ່າໂຕເອງລອຍນ້ຳເປັນ ກະເລີຍປົດອອກແລ້ວ ໄປຂີ່ຕາຫຼູດ

ຫຼັງຈາກ ລົງນ້ຳໄປແລ້ວຂ້ອຍກະຈຶ້ງນ້ຳດົນເຕີບ ແລ້ວໝູ່ກະພາກັນຂື້ນເຮືອໝົດ ເຮືອເລິ້ມເຄື່ອນໂຕອອກ ໄປຈຸດໃຫມ່ ຂ້ອຍກະເລີຍຄ່ອຍໆລອຍເຂົ້າຫາເຮືອ ຂ້ອຍລອຍ ຈັ່ງໃດກະໄປບໍ່ຮອດເຮືອ ເພາະ ແຮງດັນຂອງນ້ຳໆນິ້ງນ້ຳບໍ່ໄຫລ ບວກກັບແຮງດັນຂອງເຮືອກຳລັງເຂື່ອນໄປ ເຮັດໃຫ້ຂ້ອຍລອຍ ເຂົ້າຫາເຮືອບໍ່ໄດ້ ໝູ່ກະໄດ້ແຕ່ເບີ່ງບໍ່ຮູ້ວ່າຂ້ອຍກຳລັງຊິຈົມ ຂ້ອຍຕັ້ງສະຕິ ແລ້ວຮີບສູບອາກາດເຂົ້າໄປ

ບວກກັບນ້ຳທີ່ມີກິ່ນນ້ຳມັນອອກມາຈາກທ້າຍເຮືອ ແລ້ວຂ້ອຍກໍມຸດ ລົງນ້ຳເພື່ອຊິລອຍ ໄປຫາເຮືອ ຂ້ອຍເຮັດແບບນີ້ສາມເທື່ອ ກີນນ້ຳສອງເທື່ອ ມີທັງນ້ຳມັນພ້ອມທີ່ປົນມາກັບນ້ຳ ຂ້ອຍກຳລັງຈະຈົມ ແລ້ວຂ້ອຍຝຶນລອຍແບບບໍ່ມີເປົ້າໝາຍເພາະຂ້ອຍດຳລົງໄປບໍ່ມີແຮງລອຍຢູ່ໜ້ານ້ຳແລ້ວ ແຮງສຸດທ້າຍທີ່ຂ້ອຍມີ ແມ່ນຕອນທີ່ຂ້ອຍ ເອົານິ້ວມື້ໄປແຕະກັບຂັ້ນໄດເຮືອໄດ້ ຖ້າຕອນນັ້ນນິ້ວຂ້ອຍບໍ່ໄປແຕະກັບຂັ້ນໄດເຮືອແມ່ນຂ້ອຍ ຈະບໍ່ມີໂອກາດໄດ້ມາບອກໃຜແບບນີ້!!!!

ຫຼັງຈາກນັ້ນໝູ່ກະດຶງຂ້ອຍຂື້ນ ໂຕຂ້ອຍ ບໍ່ມີ ແຮງຢືນຈົນບໍ່ໄດ້ລ່ອຍໝົດທຸກສ່ວນຂອງຮ່າງກາຍ ແລະກໍຮາກອອກເອງ ແບບຂ້ອຍບໍ່ຕ້ອງເຮັດຫຍັງເລີຍ ເພາະກີນນ້ຳເຂົາໄປ ຂິວນ້ຳມັນເຮືອພ້ອມ ຄ້າຍໆກັບ ໃນໜັງຈົມນ້ຳແລ້ວມີຄົນລົງໄປຊ່ວຍຂື້ນມາ ຜາຍປອດ ແຕ່ຂ້ອຍ ບໍ່ໄດ້ສະຫຼົບ ມີແຕ່ໜ້າມຶດແລ້ວກໍນອນ ຢູ່ພື້ນ ແລ້ວກະຮາກ ຫຼັງຈາກນັ້ນມາ

ຂ້ອຍກະບໍ່ໄປອີກເລີຍປະສົບການຊີວິດທີ່ຂ້ອຍລອດມາເລົ່າໃຫ້ຮູ້ ເຕືອນ ໄວ້ເລີຍສຳລັບຄົນທີ່ຫຼີ້ນນ້ຳ ບ່ອນນີ້ຕ້ອງໃສ່ເສື້ອຊູຊີບ ແລະຢ່າ ຫຼີ້ນຕອນເມົາ ເດັດຂາດ ຕອນເຮືອຈອດຢູ່ກາງນ້ຳ.

ຈາກເຟສ: Jumboh Seelaivong ຂໍໃຫ້ທຸກຄົນຈົ່ງມີສະຕິລະວັງຕົວຕະຫລອດເວລາເດີ ເພື່ອທີ່ຈະບໍ່ໃຫ້ເກີດແບບນີ້ອີກ