ຊາວເນັດຮ່ວມຍິນດີ ເຜີຍຊີວິດສຸດມີຄວາມສຸກ ສາມີຖືພາ 8 ເດືອນແລ້ວ

ມີເລື່ອງລາວດີໆຈາກຄົນໃນວົງການບັນເທີງຕ່າງປະເທດທີ່ຢາກໃຫ້ທຸກຄົນໄດ້ອ່ານ! ເປັນເລື່ອງຂອງນາງແບບສາວຂ້າມເພດ ສາວງາມຄົນໂຄລຳເບຍ ທີ່ມີຊື່ວ່າ: ດັນນາ ຊຸລຕານາ ໄດ້ເຜີຍຮູບ ແລະ ເລື່ອງລາວທີ່ແສນມີຄວາມສຸກ ການໃຊ້ຊີວິດກັບຄອບຄົວທີ່ແສນຈະເຕັມໄປດ້ວຍຄວາມຮັກທີ່ອົບອຸ່ນກັບສາມີໜຸ່ມຂ້າມເພດ ໜຸ່ມເອສເຕບັນຄົນເປີໂຕຣີໂກ ທີ່ປັດຈຸບັນກຳລັງຖືພາລູກໄດ້ 8 ເດືອນແລ້ວ!

ພາບທີ່ນຳມາຝາກເປັນພາບທີ່ເຫັນແລ້ວໜ້າຮັກອີຫຼີ ມີຕັ້ງແຕ່ຮູບຈູບທ້ອງສາມີ, ຮູບທີ່ກອດກັບສາມີ ແລະ ຮູບທີ່ນອນໃກ້ການດູແລກັນຢ່າງໃກ້ຊິດ ທີ່ເຫັນແລ້ວໜ້າອິດສາແທ້ໆ!

ສ່ວນຜູ້ເປັນສາມີກໍບໍ່ນ້ອຍໜ້າ ລົງຄລິບທີ່ພັນລະຍາສະແດງຄວາມຮັກໂດຍການຈູບທ້ອງຕົນ ລວມເຖິງການລົງພາບສະແກນໃບໜ້າຂອງລູກນ້ອຍທີ່ຢູ່ໃນທ້ອງຂອງສາມີ ພ້ອມຕິດ ແຮັທແທັກອີກວ່າ

LoveIsLove ຫຼືຄວາມຮັກກໍຄືຄວາມຮັກລົງໃນຫຼາຍໂພສ ເພື່ອສະແດງໃຫ້ເຫັນເຖິງການສະໜັບສະໜຸນຄວາມຮັກຂອງຜູ້ທີ່ມີຄວາມຫຼາກຫຼາຍທາງເພດ ທີ່ບໍ່ຕ່າງຈາກຄວາມຮັກຂອງຄູ່ທົ່ວໄປເລີຍ

ຂະນະດຽວກັນບັນດາຜູ້ຕິດຕາມໃນໄອຈີຂອງທັງຄູ່ ແລະ ຊາວເນັດຕ່າງກໍອອກມາສະແດງເຖິງຄວາມຍິນດີກັບການໃຊ້ຊີວິດຄູ່ໃນຄັ້ງນີ້ ແລະ ຍັງຕິດຕາມຖ້າຟັງກ່ຽວກັບຂ່າວດີລູກຂອງລາວທີ່ຈະໄດ້ມືນຕາເບິ່ງໂລກອີກບໍ່ພໍເທົ່າໃດອາທິດ

ຂໍ້ມູນ : sanook.com ວີດີໂອ : IG: f3f1to