ໄຟຟ້າລາວແພງກ່ອນເກົ່າ ຄວນພິຈາລະນາດ່ວນ ນະໂຍບາຍບໍ່ສອດຄ່ອງກັບລາຍຮັບ ແລະ ຄວາມຈໍາເປັນ ທີ່ຕ້ອງໃຊ້ໄຟຟ້າ ຕົວຈິງ

ທ່ານ ເຄນ ເທບ​ວົງ­ສາ ຜູ້​ຊ່ວຍ​ຜູ້­ອຳ­ນວຍ­ການ​ໃຫຍ່ ລັດ​ວິ​ສາ​ຫະ​ກິດ​ໄຟ­ຟ້າ​ລາວ ຫົວ­ໜ້າ​ຝ່າຍ​ປະ­ຕິ­ບັດ​ການ​ໄຟ­ຟ້າ ນະ­ຄອນ­ຫຼວງ​ວຽງ​ຈັນ ໃຫ້​ສຳ­ພາດ​ໃນ​ວັນ​ທີ 14 ພຶດ­ສະ­ພາ 2020 ວ່າ: ເພື່ອ​ປະ­ຕິ­ບັດ​ຕາມ​ຂໍ້​ຕົກ­ລົງ​ຂອງ​ນາ­ຍົກ­ລັດ­ຖະ­ມົນ­ຕີ ສະ­ບັບ​ເລກ​ທີ 31/ນຍ ລົງ​ວັນ​ທີ 02 ເມ­ສາ 2020 ວ່າ​ດ້ວຍ​ການ​ກຳ­ນົດ​ນະ­ໂຍ­ບາຍ ແລະ ມາດ​ຕະ­ການ​ເພື່ອ​ຫຼຸດ­ຜ່ອນ​ຜົນ​ກະ­ທົບ​ຈາກ​ການ​ລະ­ບາດ​ຂອງ​ພະ­ຍາດ COVID-19

ຕໍ່​ສະ­ພາບ​ເສດ­ຖະ­ກິດ​ຂອງ ສປປ ລາວ ໃຫ້​ຄົ້ນ­ຄວ້າ​ຜ່ອນ­ຜັນ​ລາ­ຄາ ແລະ ຕໍ່​ເວ­ລາ​ໃນ​ການ​ຊຳ­ລະ​ຄ່າ​ໄຟ ແລະ ນ້ຳ​ປະ­ປາ ຂອງ​ຜູ້​ຊົມ­ໃຊ້​ຄົວ​ເຮືອນ ແລະ ພາກ​ທຸ­ລະ​ກິດ ພາຍ­ຫຼັງ​ໄດ້​ຮັບ​ຂໍ້​ຕົກ­ລົງ ດັ່ງ­ກ່າວ ກະ­ຊວງ​ພະ­ລັງ­ງານ ແລະ ບໍ່​ແຮ່ ໄດ້​ຄົ້ນ­ຄວ້າ ແລະ ຮີບ​ຮ້ອນ​ສົມ­ທົບ​ກັບ​ໜ່ວຍ​ງານ​ສະ­ເພາະ​ກິດ​ຂອງ​ລັດ­ຖະ­ບານ

ທີ່​ຄົ້ນ­ຄວ້າ​ນະ­ໂຍ­ບາຍ​ທີ່​ຕິດ​ພັນ​ກັບ​ພາກ​ປະ­ຊາ­ຊົນ ແລະ ສັງ­ຄົມ ເພື່ອ​ຄົ້ນ­ຄວ້າ​ນະ­ໂຍ­ບາຍ​ກ່ຽວ​ກັບ​ການ​ຫຼຸດ​ຄ່າ​ກະ­ແສ​ໄຟ­ຟ້າ ເພື່ອ​ເປັນ​ສ່ວນ​ໜຶ່ງ​ໃນ​ການ​ຊ່ວຍ­ເຫຼືອ​ພໍ່​ແມ່​ປະ­ຊາ­ຊົນ ພະ­ນັກ­ງານ ລັດ­ຖະ­ກອນ ທະ­ຫານ ຕຳ­ຫຼວດ ແລະ ພາກ​ທຸ­ລະ​ກິດ​ໃນ​ໄລ­ຍະ​ວິ​ກິດ​ຂອງ​ການ​ແຜ່​ລະ­ບາດ​ຂອງ​ພະ­ຍາດ COVID-19

ຜ່ານການຄົ້ນ­ຄວ້າຢ່າງເລິກ­ເຊິ່ງ ກະ­ຊວງພະ­ລັງ­ງານ ແລະ ບໍ່ແຮ່ ກໍໄດ້ຕົກ­ລົງເຫັນດີກ່ຽວກັບປະ­ຕິ­ບັດນະ­ໂຍ­ບາຍຫຼຸດຄ່າໄຟ ໄດ້ອອກແຈ້ງການສະ­ບັບເລກທີ 438/ພບ ລົງວັນທີ 08 ເມ­ສາ 2020 ເຖິງລັດວິສາຫະກິດໄຟ­ຟ້າລາວ ໃນການປະ­ຕິ­ບັດໂຄງສ້າງລາ­ຄາໄຟ­ຟ້າໃໝ່ ແຕ່ 2020 ຫາ ປີ 2025 ໂດຍໃຫ້ເລີ່ມປະ­ຕິ­ບັດນັບແຕ່ເດືອນພຶດ­ສະ­ພາ 2020 ເປັນ­ຕົ້ນໄປ (ໝາຍຄວາມວ່າ ບິນຄ່າໄຟເດືອພຶດ­ສະ­ພາ ແມ່ນ ພະ­ລັງ­ງານຂອງເດືອນເມ­ສາ)

ຈາກການຊີ້ແຈງຂ້າງເທີງນັ້ນ ເຫັນວ່າ ມາດຕະການ ປ່ຽນລາຄາໄຟຟ້າ ມາເປັນຫົວໜ່ວຍດຽວ ສໍາລັບຄົວເຮືອນ ນັ້ນແມ່ນຍັງແພງ ແລະ ບໍ່ສອດຄອງກັບລາຍ ຮັບ ແລະ ປະລິມານຄວາມຈໍາເປັນ ທີ່ຕ້ອງການໃຊ້ໄຟຟ້າ ໃນປະຈຸບັນ ດ້ວຍເຫັນຜົນດັ່ງນີ້

ນະໂຍບາຍ ໃຫ້ໃຊ້ໄຟບໍ່ເກີນ 150 ກິໂລວັດໂມງ ທີ່ມີຕົວຄູນ 355 ເຫັນວ່າ, ປະລິມານໄຟແມ່ນໜ້ອຍຫຼາຍ ແລະ ບໍ່ສອດຄ່ອງກັບຄວາມຈໍາເປັນ ທີ່ຕ້ອງໃຊ້ໄຟຟ້າ ໂດຍສະເພາະ ປະເທດລາວ ທີ່ຢູ່ເຂດ ຮ້ອນ ທີ່ເຫັນ ຈໍາເປັນຕ້ອງໃຊ້ໄຟຟ້າຫຼາຍ ບໍ່ວ່າຈະເປັນການໃຊ້ ແອ, ຕູ້ເຢັນ, ພັດລົມ. ເພາະສະນັ້ນ, ນະໂຍບາຍທີ່ຈະເກື້ອກູນ ປະຊາຊົນ ໂດຍສ່ວນໃຫຍ່ ນັ້ນເຫັນວ່າ ບໍ່ສອດຄ່ອງ ເພາະ ແຕ່ລະຄົວເຮືອນ ແມ່ນໃຊ້ກາຍ 150 ກິໂລວັດໂມງ ແນ່ນອນ. ແລະ ໂດຍສ່ວນໃຫຍ່ ແມ່ນຈະໃຊ້ຢູ່ລະຫວ່າງ 200-600 ກິໂລວັດໂມງ. ເພາະສະນັ້ນ, ຫາກຢາກຈະຊ່ວຍປະຊາຊົນ ແທ້ໆ ກໍ່ຄວນ ກໍານົດ ໃຫ້ເໝາະສົມ

ລາຄາຄ່າໄຟຟ້າ 710 ກີບ ຕໍ່ກິໂລວັດໂມງ ແມ່ນ ຈະກະທົບ ໂດຍກົງ ແກ່ປະຊາຊົນ ໂດຍສ່ວນໃຫຍ່ ທີ່ໃຊ້ໄຟຟ້າຫຼຸດ 500 ກິໂລວັດໂມງລົງມາ ຫາ 151 ເພາະວ່າ ບໍ່ໄດ້ຮັບສ່ວນຫຼຸດ ຄືກັບ ຜູ່ທີ່ໃຊ້ ໜ້ອຍກວ່າ 150. ດັ່ງນັ້ນ, ຈະເຫັນວ່າ ຄ່າໄຟຟ້າ ຈະແພງກວ່າ ການຄິດໄລ່ແບບເກົ່າ. ເພາະສະນັ້ນ, ລັດວິສາຫະກິດ ໄຟຟ້າ ຄວນພິຈາລະນາ ຫຼຸດຄ່າໄຟຟ້າ ໃຫ້ຜູ່ຊົມໃຊ້ໄຟຟ້າ ແຕ່ 151-500 ໂດຍການຄິດໄລ່ ໃຫ້ຖືກລົງກວ່າ 710, ຄໍາແນະນໍາແມ່ນຄວນຢູ່ ຫຼຸດປະມານ 25-40% ຂອງລາຄາໃໝ່ (710)

ກາຍເປັນບັນຫາທີ່ ປະຊາຊົນ ທົ່ວປະເທດ ຈົ່ມກັນທຸກມື້ຕອນນີ້ ຄົງ ບໍ່ພົ້ນຈາກບັນຫາ ຄ່າໄຟຟ້າ ແລະ ຄ່ານໍ້າປະປາ ທີ່ເຫັນວ່າ ແພງແທ້ໆ. ໂດຍສະເພາະ ແມ່ນຄ່າໄຟຟ້າ ທີ່ຈະຍົກເອົາມາເວົ້າກັນມື້ນີ້. ເຖິງແມ່ນວ່າ ທາງ ລັດວິສາຫະກິດໄຟຟ້າລາວ ຫາກໍ່ປະກາດ ວິທີການ ຄິດໄລ່ ຄ່າໄຟຟ້າແບບໃໝ່ ສໍາລັບຄົວເຮືອນ ຈາກແບບ 6 ຂັ້ນໄດ້ ມາເປັນ 2 ຂັ້ນໄດ (ແຕ່ບໍ່ແມ່ນ 2 ຂັ້ນໄດ້ ແຕ່ແມ່ນ 2 ປະເພດ ໃນການຄິດໄລ່ຕົວຈິງ). ແຈ້ງການ ວັນທີ 11​ເມສາ 2020

ໃນເບື້ອງຕົ້ນ, ເມື່ອເຫັນແຈ້ງການ ວິທີການຄິດໄລ່ ຄ່າໄຟຟ້າແບບໃໝ່ ຫຼາຍຄົນກໍ່ດີ ໃຈ ເພາະເຫັນວ່າ ມີນະໂຍບາຍ ສໍາລັບຜູ່ທີ່ໃຊ້ໄຟຟ້າ ໜ້ອຍກວ່າ 150 ກິໂລວັດໂມງ ຈະໄດ້ເສຍຄ່າໄຟຟ້າຖືກ, ແລະ ນັ້ນກໍ່ແມ່ນຄວາມຈິງ ເພາະຫາກຄອບຄົວໃດ ຫາກໃຊ້ໄຟຟ້າ ຫຼຸດ 150 ກິໂລວັດໂມງ ຕໍ່ເດືອນ ລົງມາ ກໍ່ຈະຄູນ ໃຫ້ 355. ພ້ອມນີ້ ກໍ່ມີກະຕິກາໃໝ່ ອອກມາ ໂດຍທີ່ ເຮືອນ 1 ຫຼັງ ອານຸຍາດ ໃຫ້ມີກົງເຕີ ພຽງອັນດຽວ. ເພື່ອປ້ອງກັນ ການກະຈ່າຍ ການນັບໄຟຟ້າ ກໍລະນີ ເຮືອນທີ່ມີຫຼາຍກົງເຕີ

ສ່ວນວິທີການ ຄິດໄລ່ນັ້ນ, ແມ່ນ ໃຫ້ເຂົ້າໃຈງ່າຍໆເລີຍວ່າ

  1. ຫາກທ່ານໃຊ້ໄຟຟ້າໜ້ອຍກວ່າ 150 ກິໂລວັດໂມງ ແມ່ນຄູນກັບ 355 ແລະ ບວກກັບພາສີຊົມໃຊ້ ແລະ ຄ່າບໍາລຸງຮັກສາໝໍ້ນັບໄຟ
  2. ຫາກທ່ານໃຊ້ໄຟຟ້າຫຼາຍກວ່າ 150 ກິໂລວັດໂມງ ແມ່ນຄູນກັບ 710 ແລະ ບວກກັບພາສີຊົມໃຊ້ ແລະ ຄ່າບໍາລຸງຮັກສາໝໍ້ນັບໄຟ

 

ເພື່ອຄວາມໝັ້ນໃຈ! ທີມງານເລີຍເອົາບິນຕົວຈິງມາສົມທຽບຈິ່ງເຫັນວ່າ ຜູ່ທີ່ໃຊໄຟຟ້າ ແຕ່ 151 – 460 ຈະບໍ່ໄດ້ຮັບຜົນປະໂຫຍດ ຈາກວິທີການໄລ່ຄ່າໄຟຟ້າແບບໃໝ່ ແລະ ທັງຈະເສຍຄ່າໄຟຟ້າແພງກ່ວາເກົ່າ

ຜູ່ທີ່ໄດ້ຮັບຜົນປະໂຫຍດ ຈະມີແຕ່ຜູ່ໃຊ້ໄຟຟ້າ

  1. ເທົ່າກັບ ຫຼື ໜ້ອຍກວ່າ 150 ກິໂລວັດໂມງລົງມາ ຫຼື
  2. ໃຊ້ຫຼາຍກວ່າ 460 ກິໂລວັດໂມງຂຶ້ນໄປ

ເບິ່ງຕົວຢ່ງາການສົມທຽບ ດ້ານລຸ່ມ!

ກໍລະນີ ໃຊ້ໄຟຟ້າ ເທົ່າກັບ ຫຼື ໜ້ອຍກວ່າ 150 ກິໂລວັດໂມງ

ກໍລະນີ ໃຊ້ໄຟຟ້າ ໃຊ້ກາຍ 150 ກິໂລວັດໂມງ, ຕົວຢ່າງ 200 ກິໂລວັດໂມງ

ກໍລະນີ ໃຊ້ໄຟຟ້າ ໃຊ້ກາຍ 150 ກິໂລວັດໂມງ, ຕົວຢ່າງ 300 ກິໂລວັດໂມງ

ກໍລະນີ ໃຊ້ໄຟຟ້າ ໃຊ້ກາຍ 150 ກິໂລວັດໂມງ, ຕົວຢ່າງ 350 ກິໂລວັດໂມງ

ກໍລະນີ ໃຊ້ໄຟຟ້າ ໃຊ້ກາຍ 150 ກິໂລວັດໂມງ, ຕົວຢ່າງ 400 ກິໂລວັດໂມງ

ກໍລະນີ ໃຊ້ໄຟຟ້າ ໃຊ້ກາຍ 150 ກິໂລວັດໂມງ, ຕົວຢ່າງ 450 ກິໂລວັດໂມງ

ກໍລະນີ ໃຊ້ໄຟຟ້າ ໃຊ້ກາຍ 150 ກິໂລວັດໂມງ, ຕົວຢ່າງ 465 ກິໂລວັດໂມງ

ກໍລະນີ ໃຊ້ໄຟຟ້າ ໃຊ້ກາຍ 150 ກິໂລວັດໂມງ, ຕົວຢ່າງ 465 ກິໂລວັດໂມງ

ກໍລະນີ ໃຊ້ໄຟຟ້າ ໃຊ້ກາຍ 150 ກິໂລວັດໂມງ, ຕົວຢ່າງ 700 ກິໂລວັດໂມງ

ກໍລະນີ ໃຊ້ໄຟຟ້າ ໃຊ້ກາຍ 150 ກິໂລວັດໂມງ, ຕົວຢ່າງ 800 ກິໂລວັດໂມງ

ກໍລະນີ ໃຊ້ໄຟຟ້າ ໃຊ້ກາຍ 150 ກິໂລວັດໂມງ, ຕົວຢ່າງ 1000 ກິໂລວັດໂມງ

ກໍລະນີ ໃຊ້ໄຟຟ້າ ໃຊ້ກາຍ 150 ກິໂລວັດໂມງ, ຕົວຢ່າງ 1500 ກິໂລວັດໂມງ

ກໍລະນີ ໃຊ້ໄຟຟ້າ ໃຊ້ກາຍ 150 ກິໂລວັດໂມງ, ຕົວຢ່າງ 2000 ກິໂລວັດໂມງ

ຈາກຂໍ້ມູນການຄິດໄລ່ ເພື່ອໃຫ້ ຜູ່ໃຊ້ໄຟຟ້າ ແຕ່ 151-460 ກິໂລວັດໂມງ ໄດ້ຮັບຜົນປະໂຫຍດ ຈາກນະໂຍບາຍ ລຸດຄ່າໄຟຟ້າ ຄວນກໍານົດ ການຄິດໄລ່ ເປັນ 3 ລະດັບຄື

  1. 150 ກິໂລວັດໂມງລົງມາ ຕົວຄູນ 355 ກີບ
  2. 151-450 ກິໂລວັດໂມງ ຕົວຄູນ ລະຫວ່າງ 450-600
  3. 451 ຂຶ້ນໄປ ຕົວຄູນ 710

ຖ້າເຮັດແບບນີ້ ທຸກຄົນກໍ່ຈະໄດ້ຜົນປະໂຫຍດ ແລະ ໄດ້ຄ່າໄຟຟ້າ ທີ່ຖືກ ສະເໝີພາບກັນ